- Esti aumentu ye entá más significativu por cuenta de que l’ empléu d’internet yá tuviera un gran crecimientu en 2020 por causa de la pandemia .
- La xubida del presupuestu autonómicu pa la Estratexa Dixital supera los 30 millones dende 2018 y respuende pol compromisu del Gobiernu d’Asturies por modernizar la so xestión.
L’usu de la tramitación electrónica na Alministración del Principáu creció más del 40% en 2021, lo que respuende pola importancia que supón la xestión dixital pal Gobiernu autonómicu, qu’ufierta una plataforma de servicios a la ciudadanía cada vez más demandada, eficaz y meyor valorada. La medra del usu d’internet pa esti tipu de procedimientos ye entá más significativu si se tien en cuenta que 2020 foi un añu nel que la pandemia yá provocara una importante xubida de les xestiones telemátiques.
El presupuestu que’l Gobiernu d’Asturies destina al apartáu d’Estratexa Dixital aumentó en 17,7 millones dende 2018 al pasar de 27,2 millones a 45 en 2021. Polo que se refier a les cuentes del Principáu pa esti añu , la partida crez en 13,5 millones y supera los 58,5. Amás, l’Executivu va invertir otros 42,8 millones nos próximos cuatro años, ente otros proyectos, p’actualizar la estructura de telecomunicaciones.
Estos datos respuenden pol compromisu del Executivu asturianu col tresformamientu dixital de l’Alministración autonómica y coles mires de ameyorar y modernizar la so xestión pa facilitar el so usu per parte de la ciudanía.
Les cifres d’actividá reflexen el desenvolvimientu de la tramitación electrónica pa la mesma Alministración pero tamién pa les empreses y el conxuntu de la población. En 2021 creáronse de forma electrónica 309,163 espedientes, un 41,4% más qu’en 2020; publicáronse de por esti procedimientu otros 269.035, (+46,9%), ya interviénose de forma dixital en 1.828.356 tramitaciones (+60,7%). La tramitación al traviés del rexistru de la sede electrónica volvió superar la cifra récord de 2020 con 144.318 espedientes empecipiaos per esti mediu (+ 61%).
| Total solicitúes | Solicitúes en sede electrónica | Espedientes creaos | Espedientes notificaos | Intervenciones en espedientes | Resoluciones | |
| 2020 | 1.029.671 | 89.308 | 218.630 | 178.289 | 1,137,579 | 84.013 |
| 2021 | 1.163.950 | 144.318 | 309.163 | 269.035 | 1.828.356 | 90-500 |
| aumentu 20/21 | 134.279 | 55.010 | 90.533 | 83.746 | 690.778 | 6.487 |
| % 20/211 | 13% | 61% | 41,4% | 46.9% | 60.7% | 7.7% |
Les ayudes para la recuperación económica de les actividaes más afectaes pola covid-19 son una muestra de la importancia que cobra l’Alministración dixital n’Asturies. En 2021, esti departamentu resultó esencial pa que cerca de 55 millones llegaren nunes poques selmanes a los sectores de Turismu, Comerciu, Deportes y Cultura.
Estes ayudes fueron publicaes en payares, recibiéronse casi 28.000 y en menos de mes y mediu analizáronse y apurrióse la información necesaria a les árees xestores pa poder tramitar los pagos. El total de les ayudes distribuyíes en toles convocatories a lo llargo del añu superó los 109 millones.
L’alministración electrónica tamién foi fundamental pa otres actuaciones rellacionaes cola pandemia, ente elles, la xestión de miles de cites o’l llogru de los certificaos covid, que sumaron más d’un millón en tol añu, pero la mayoría d’elles debiéronse a pidimientos realizaos nes últimes selmanes de 2021.
El sofitu a la tramitación de les ayudes al campu, al caltenimientu de l’actividá docente o a la modernización de la xusticia, amás de les necesaries evoluciones nos cientos d’aplicaciones existentes son dalgunes de les xeres nes que se realizó un enorme esfuerzu per parte del departamentu d’Estratexa Dixital.