• 23 de mayo de 2024 06:00

Cultura impulsa la beca Asturies na Residencia Literaria 1863 para estimular la escritura n’asturianu y eonaviego

PorRedacción

Oct 13, 2021

La Conseyería de Cultura, Política Llingüística y Turismu impulsa en collaboración cola Residencia Lliteraria 1863 la Beca Asturies, que va sofitar una residencia de creación lliteraria en llingua asturiana o eonaviegu n’A Coruña, realizada por un escritor o escritora ente’l 1 y el 31 d’avientu del 2021. La iniciativa foi presentada esti miércoles pol director xeneral de Política Llingüística, Antón García, y la escritora y promotora de Residencia Lliteraria 1863, Yolanda Castaño.

Los y les autores que se presenten a la convocatoria, en concurrencia competitiva, van poder mandar les sos solicitúes hasta’l 31 d’ochobre al corréu electrónicu 1863coruna@gmail.com. Habrán proponer un proyectu lliterariu con indicación del xéneru escoyíu, sinopsis o tema/es principales, estructura, forma, estilu, tonu, destinatariu y cualquier otru detalle sobre’l plan creativu de la obra.

Los proyectos presentaos van sometese a la valoración d’un comité d’espertos formáu por reconocíos especialistes en cultura asturiana. A la persona que llogre la beca facilítase-y agospedamientu y una dieta de tresporte y mantención, asina como accesu prioritariu a museos, biblioteques, conciertos, teatru, visites guiaes o alcuentros lliterarios. Amás, la iniciativa busca tamién averar el procesu de creación a los llectores, de cuenta que l’escritor o escritora va tener la oportunidá de dar a conocer el so trabayu mientres la estancia nun actu públicu.

Asitiada nel corazón d’A Coruña, les instalaciones de la Residencia Lliteraria 1863 (añu de construcción del edificiu y que marca’l Rexurdimiento de la lliteratura gallega) remocicáronse dafechu pa facilitar la máxima concentración y inspiración nel trabayu lliterariu. La Residencia ta a dos portales d’onde naciere la Real Academia Gallega de la Llingua y a pocos pasos d’onde tamién residieron Emilia Pardo Bazán, Rosalía de Castro o Pablo Picasso.

Fonte: Gobiernu del Principau d’Asturies

Deja una respuesta

Tu dirección de correo electrónico no será publicada. Los campos obligatorios están marcados con *

cuatro × tres =

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies