Presentáu en Ḷḷena un manual de cultivu ecolóxicu n’asturianu y gallego-asturianu

Nel Colexu Públicu Jesús Neira presentose güei, con presencia de delles autoridaes, una guía práctica pal cultivu ecolóxicu editada n’asturianu y gallego-asturianu. Tratase de un un manual de 24 páxines onde se recueye la información práctica necesaria pa toa persona que quiera cultivar un güertu ecolóxicu.

El cuadernu, del que s’editaron 8.000 unidaes n’asturianu y 2.000 en gallego-asturianu, va repartise nes escueles asturianes adheríes al programa Alimentación saludable y de producción ecolóxica nos comedores escolares d’Asturies.

La publicación incluye un calendariu pa semar, rotaciones de cultivos, plantes acompañantes y una ficha completa de caún de los cultivos más comunes y afayadizos pal territoriu asturianu: pataca, cebolla, maíz, calabacín-… Amás, cada ficha incluye un refrán asturianu sobre estos cultivos, el clima o sobre los llabores na tierra en xeneral.

El proyectu nació cola idea de sorrayar la rellación ente les llingües propies d’Asturies y l’autocultivu sostenible d’alimentos, actividá bien enraigonada na cultura asturiana.

EN VIDEU:

Deja una respuesta

Tu dirección de correo electrónico no será publicada.

1 × 3 =