• 29 de marzo de 2024 11:10

Esti vienres, nueva xornada de vacunación ensin cita previa frente a la covid

El Serviciu de Salú del Principáu (Sespa) programó una nueva xornada de vacunación frente a la covid ensin cita previa para’l vienres, 21 de xineru. L’alministración de les dosis va realizase nes ocho árees sanitaries para facilitar l’accesu a la profilaxis a la población pindia de vacunar, debíu a la medría del númberu d’arimaos detectaos nes últimes selmanes.

La nueva convocatoria ta dirixida a los mayores de 12 años que nun recibieren la primera o la segunda dosis. Tamién se inoculará la dosis d’alcordanza namá a les persones nacíes en 1977 o n’años anteriores.

Na última xornada VacFriday celebrada’l vienres pasáu, alministráronse 2.096 dosis, de les que 624 correspuenden con primeres dosis, 322 con segundes y 1.150 fueron dosis d’alcordanza.

Los espacios y horarios habilitaos para la vacunación nes ocho árees sanitaries son los siguientes:

  • Área sanitaria 1 (Xarrio). Polideportivu Los Castros en Xarrio (Coaña), de 11:30 a 13:30 hores.
  • Área sanitaria 2 (Cangas). Área d’estracciones de consultes esternes del Hospital Carmen y Severu Ochoa, en Cangas, de 16:00 a 18:00 hores.
  • Área sanitaria 3 (Avilés). Centru Comercial Parque Ástur, n’Avilés, de 15:00 a 17:00 hores.
  • Área sanitaria 4 (Uviéu). Área d’estracciones del HUCA, n’Uviéu, de 16:00 a 20:00 hores.
  • Área sanitaria 5 (Xixón). Palaciu de Deportes de La Guía Presidente Adolfo Suárez, en Xixón, de 9:00 a 12:00 hores.
  • Área sanitaria 6 (Oriente). Polígonu de Guadamía, en Ribesella, de 11:00 a 13:00 hores.
  • Área sanitaria 7 (Caudal): puntu de vacunación del Hospital Vital Álvarez Buylla de Mieres, allugáu na planta 0, de 12:00 a 14:00 hores.
  • Área sanitaria 8 (Nalón): Centru comercial Valle del Nalón, n’El Apurro, de 13:00 a 15:00 hores.

Salú recuerda a les persones que participen nesta xornada que tienen d’allegar a la área sanitaria que-yos correspuenda y presentase nos puntos habilitaos col so carné d’identidá.

La nueva convocatoria de vacunación ensin cita enmarcase na campaña Vacúnate ho/Vacúnate ne de la Conseyería de Salú para captar a la población pindia de inmunizar al traviés de la autocita.

Deja una respuesta

Tu dirección de correo electrónico no será publicada. Los campos obligatorios están marcados con *

tres + 1 =

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies