La Sala del 112 del Serviciu d’Emerxencies del Principáu d’Asturies (SEPA) recibió un total de 67.718 llamaes el pasáu mes d’agostu, lo que supon una media diaria de 2.184. La mayor parte d’estes llamaes, en concretu 45.943, fueron d’emerxencia, esto ye, rellacionaes con dalgún incidente. Amás, contabilizáronse 3.229 llamaes informatives y 3.675 de trabayu. El restu fueron tipificadas como non pertinentes (móviles equivocaos, ensin respuesta del interlocutor, chancies, etc…).
Toes estes llamaes al 112 Asturies derivaron na apertura de 28.436 incidentes que riquieron la movilización de dalgún tipu de recursu. Na so mayor parte, 20.676 corresponden cola categoría d’atención sanitaria. Tamién se rexistraron, ente otros, 3.631 incidentes rellacionaos cola seguridá ciudadana y seguridá vial y 608 accidentes de tráficu. La media diaria foi de 917 incidentes.
Al respectu de l’actividá de la rede de parques de Bomberos del SEPA, hai que señalar que, mientres el pasáu mes d’agostu, realizaron un total de 1.384 salíes a distintes intervenciones. La mayor parte, en concretu 593, fueron pa retiraes d’elementos peligrosos. Tamién se rexistraron 330 salíes pa quemes forestales, 82 pa quemes urbanes, 123 salíes pa rescates, 54 simulacros y práctiques y 23 p’accidentes.
Bomberos del SEPA cuenta con 19 parques de bomberos distribuyíos por tola rexón que trabayen en rede so un criteriu de funcionalidad, esto ye, garantizar la mayor rapidez y eficacia posible en cualquier puntu d’Asturies. Per centros de trabayu los parques de La Morgal con 188 salíes, Avilés con 143, Samartín del Rei Aurelio con 114 y Llanes con 108 fueron, nesti periodu, los que rexistraron mayor númberu de salíes.
Sobro les salíes realizaes pa distintes intervenciones pelos medios aéreos contabilizáronse un total de 86 salíes y el Grupu de Rescate realizó 47. L’organismu autónomu cuenta con trés helicópteros, unu d’ellos medicalizado y biturbina, p’atender les emerxencies que puedan surdir en tol territoriu, y otros dos multifunción destinaos, fundamentalmente, pa estinción de quemes forestales.