La Conseyería d’Educación publicó güei la tercer convocatoria de places p’aspirantes a interinidá, con un total de 449, ente les qu’hai 46 vacantes covid nueves.
Dientro d’esos 46 puestos, qu’apaecen marcaos con una “D” na llista, inclúyense 28 de profesoráu pa Formación Profesional (FP). Los refuerzos concediéronse a centros que tuvieron en semipresencialidá’ el cursu pasáu y que presenten más dificultaes pa recuperar la presencialidá plena. D’esta miente, van poder desdoblase módulos de los ciclos afectaos o caltener dos docentes nel aula.
Estes vacantes covid súmense a les 285 incluyíes nes primeres convocatories, polo que’l númberu de docentes que s’incorporen a los centros educativos pa minimizar los efectos de la pandemia xube yá a 331.
Amás, la tercer convocatoria incluye puestos que se nun se cubrieron nes anteriores, sustituciones y baxes por enfermedá.
El plazu pa que los 4.578 aspirantes convocaos puedan presentar la so solicitú va enllargase hasta les 10:00 hores del 30 de setiembre. Les persones a quien se-yos axudiquen places han incorporase’l llunes, 4 d’ochobre.
Fuente: Nota de prensa del Gobierno de Asturias