Asturies activa’l INFOPA en fase d’emerxencia 1 tres una quema na Reserva de Muniellos (Ibias)

La Conseyera de Presidencia, Rita Camblor, declaraba, a les 09.49 hores, el pasu a fase d’emerxencia en SITUACION 1, del Plan de Quemes Forestales del Principáu d’Asturies (INFOPA) por una quema forestal declara en Villardecencias, conceyu de Ibias y qu’afecta a la Reserva Natural Integral de Muniellos.

En SITUACION 1 enmárquense aquelles quemes forestales que para la so estinción puedan precisar medios non adscritos al plan. Nesti sentíu, dende’l Serviciu d’Emerxencies del Principáu d’Asturies (SEPA) solicitóse al Ministeriu para la Transición Ecolóxica y Retu Demográficu (MITECO) la movilización de dos helicópteros bombarderos y l’activación de dos brigaes de llabores preventivos para la estinción de la quema.

El SEPA, pela so parte, movilizó para la zona los dos helicóptero multifunción, bomberos del parque de Cangas, dos empreses forestales, el xefe de zona suroccidental y un xefe supervisor.

Quepe recordar qu’el INFOPA permanecía activáu en fase d’alerta, previa a la emerxencia, dende’l pasáu 15 de xineru. Esti plan activase de forma automática, añalmente, coincidiendo coles dómines de peligru altu y mediu que n’Asturies se correspuenden, respectivamente, colos periodos entendíos ente’l 15 de xineru y el 30 d’abril y ente’l 15 de xunetu y el 15 d’ochobre.

Deja una respuesta

Tu dirección de correo electrónico no será publicada.

dieciocho − dieciocho =