El Serviciu de Salú axudica 399 places de celadores

  • Los profesionales disponen d’un mes, a partir de mañana, pa tomar posesión nel área sanitaria correspondiente.

El Serviciu de Salú del Principáu (Sespa) axudicó 399 places estatutaries fixes de la categoría de celadores. La llista d’aspirantes que llograron un puestu publicóse güei nel Boletín Oficial del Principáu (BOPA).

Del total de les places ufiertaes, 327 correspuenden al turnu d’accesu llibre (309 de cupu xeneral y 18 para persones con discapacidá física) y 72 a la vía de promoción (68 de cupu xeneral y 4 para persones con discapacidá física).

Los profesionales con plaza axudicada van disponer d’un mes, a partir de mañana, pa tomar posesión nel área sanitaria correspondiente.

Otra manera, aquellos que yá tuvieren plaza en propiedá en dalguna otra categoría de personal estatutario van poder optar, nel momentu de tomar posesión de la nueva, a la situación d’escedencia nuna de les dos. Asina, si nun se realiza una solicitú espresa, va entendese que se solicita la escedencia pa la categoría d’orixe.

Deja una respuesta

Tu dirección de correo electrónico no será publicada.

doce − seis =