- El Bopa publica güei estes subvenciones, d’hasta 6.000 euros, pa llabores como la exhumación de fueses, trabayos d’investigación y divulgación del patrimonio
El Boletín Oficial del Principáu (Bopa) publica güei la convocatoria d’una llinia d’ayudes de la Conseyería de Presidencia, dotada con 80.000 euros, para subvencionar en réxime de concurrencia competitiva actividaes destinaes a la recuperación, l’espardimientu y el conocimiento de la memoria democrática d’Asturies.
Les ayudes destínense a entidaes ensin ánimu d’arriquecimientu que participen en proyectos o iniciatives centraes en dalgún de los siguientes supuestos:
- Investigar, alcontrar y desaterrar fueses de la guerra civil y la dictadura allugaes na comunidá.
- Axuntar, caltener y espublizar patrimoniu documental escritu, oral, audiovisual o intelectual venceyáu a la memoria democrática.
- Realizar estudios ya investigaciones relatives a la recuperación de la memoria democrática y al reconocimientu moral de les víctimes de la guerra civil y la dictadura.
Podrán presentase mesmo proyectos empecipiaos en 2021 como otros previstos pa esti añu.
Les subvenciones van tener un importe máximu de 6.000 euros por entidá solicitante. La cuantía de l’ayuda va determinase en función del presupuestu aceptáu y proporcionalmente a la puntuación llograda según los criterios de valoración establecíos nes bases de la convocatoria.