Yá pueden vese en dellos establecimientos del conceyu los nuevos cartelos partíos pol Serviciu de Normalización Llingüística de Ḷḷena. Dende esti anunciaben «Ḷḷega la siruenda y el cambiu de fruta y verdura. Isti ye’l cartel qu’esta selmana vamos poner nes tiendes de Ḷḷena.«
Amás de a les tiendes, van faese ḷḷegar a los centros escolares «pa que los pongan nos comedores y puedan trabayar con ellos.» Dende´l Serviciu de Normalización Llingüística de Ḷḷena espliquen que «faense coles dos terminaciones propies del conciyu ceboḷḷes y ceboḷḷas.«
El Serviciu de Normalización Llingüística de Ḷḷena ye un departamentu que tien como oxetivu planificar, asesorar y facer tolo que tien que ver cola normalización llingüistica del conciyu, esto ye, col usu que se-y da a la llingua asturiana nel ámbitu municipal.
Forma amás parte de la Rede de Normalización Llingüística nos Conceyos, creada col fin d’estabilizar los servicios de normalización, compartir proyectos, compartir experiencies y dificultaes, etc…
Dende’l Serviciu de Normalización Llingüística de Ḷḷena anuncien «Si queréis facevos con dalgún cartel, solo tenéis que ponevos en contactu col Serviciu de Normalización.»
