El Gobiernu d’Asturies va autorizar a los establecimientos d’hostelería y restauración a zarrar a la hora llegalmente establecida na so llicencia d’apertura a partir del sábadu. Esta ye una de les midíes que aprobó Conseyu de Gobiernu y que presentaron en rueda de prensa la directora xeneral de Salú Pública, Lidia Clara Rodríguez, y el xefe d’Alertes y Emerxencies Sanitaries de la Conseyería de Salú, Miguel Prieto.
Esta decisión, que va entrar en vigor a les 00:00 hores del 29 de xineru, adóptase énte l’enclín descendente que rexistra nos últimos díes nel númberu de contaxos de coronavirus.
El Principáu tamién va dexar consumir na barra de los locales d’ociu de nueche, siempres que se caltenga una distancia de seguridá ente veceros de distintos grupos de convivencia de 1,5 metros.
A partir d’esta medianueche, decaen les midíes estraordinaries del zarru del interior de los locales d’ociu de nueche y l’esixencia del certificáu covid aprobaes nel Conseyu de Gobiernu del 24 d’avientu.
Nesti sentíu, les discoteques, sales de baille, locales d’ociu de nueche y chigres de copes tendrán de cumplir necesariamente les siguientes condiciones:
Amás, va volver a dexar n’horariu de nueche la vienta de bebida alcohólico en gasolineres y establecimientos minoristes, qu’hasta agora taba suspendida ente les 22:00 y les 6:00 hores.
Respecto al pasaporte covid, va dexar de ser obligatoriu pal accesu a locales d’hostelería y ociu de nueche, discoteques, ximnasios y eventos multitudinarios, igual que pa entrar a centros sociosanitarios y salones de xuegu y apuestes, instalaciones deportives, cines, teatros, auditorios, circos de carpa, espacios similares y otros recintos destinos a actos y espectáculos culturales.
Les autoridaes sanitaries encamienten a la ciudadanía a cumplir con rigor les midíes de protección frente a los contaxos: usu correctu de la mázcara, distancia interpersonal y ventilación d’espacios interiores públicos y privaos. Amás, encamienten a les persones con cualquier síntoma catarral o gripal, a aquelles pendientes del resultáu d’una prueba diagnóstica de covid y a les ensin vacunar que nun asistan a nengún eventu nin faigan actividaes grupales.
Salú aconseya tamién la vacunación a quien inda nun recibieron la profilaxis, o l’aplicación de la dosis de refuerzu a la población pa la que ta indicada.
L’últimu informe sobre mortalidad del Observatoriu de la Salú d’Asturies (OBSA) señala que la vacuna frente a la covid evita 19 de cada 20 muertes y que la posibilidad de fallecer por esta patoloxía ye 18 veces superior ente les persones ensin protexer.
Cuando parece que se acerca la finalización de los trabajos en el aparcamiento invernal de…
La versión lenense del «Asturias concejo a concejo» del RIDEA, obra de Xulio Concepción, se…
El Centro Municipal de Lectura 'La Casona', de Campumanes, organiza este próximo jueves, 9 de…
Cita este domingo en el Teatro Vital Aza de La Pola, con el concierto de…
Ante la sentencia de la sala de lo Contencioso-Administrativo del Tribunal Supremo, que declara nula…
El Club Gimnasia Lena organiza, del 1 al 5 de julio, el que será su…