L’Institutu pa la Transición Xusta asignó a Asturies cerca de 94 millones nel 2021, la cantidá más alta d’España

• La restauración del xacimientu de Tormaleo, n’Ibias, va ser el mayor proyectu que se va executar a nivel nacional con fondos del Mecanismu de Recuperación y Resiliencia
• El PERTE d’enerxía renovable, con convocatories abiertes por 450 millones, da-yos prioridá a les actuaciones en conceyos afectaos pol cambéu del modelu enerxéticu

L’Institutu pa la Transición Xusta (ITX), organismu dependiente del Ministeriu pa la Transición Ecolóxica y Retu Demográficu, asignó a Asturies 93.994.787 euros nel 2021 n’ayudes pa fomentar la reactivación económica y la recuperación ambiental de conceyos afectaos pol zarru de centrales térmiques de carbón y esplotaciones mineres.

Según el resume d’actividaes del ITX, el Principáu foi la comunidá que más fondos públicos recibió l’añu pasáu. Los ámbitos que concentren les ayudes son trés:

• Restauración ambiental de zones degradaes pola actividá minera: 73.694.807 euros. Prevése la rehabilitación de les esplotaciones vieyes de Tormaleo (Ibias), Zarréu (Degaña) y Buseiru (Tinéu).

•Va Dexar la recuperación de 1.167 hectárees nun proyectu que, en xunto, va crear 148 empleos directos. Les obres van desenvolvese nun periodu de 3 a 4 años.

•La subvención destinada a Ibias (48.944.735 euros) representa’l 33 % de tolos fondos concedíos a nivel nacional pol ITX pa esti programa y supón el mayor proyectu de restauración minera que se va executar n’España financiáu con fondos del Mecanismu de Recuperación y Resiliencia (MRR). La partida estatal va completar con 9.743.119 euros qu’apurre’l Principáu.

• Proyectos de meyora d’infraestructures: 13,2 millones en fondos asignaos al Principáu pa trés proyectos vinculaos al programa de reactivación del plan de la minería 2013-2018.

•Descarbonización del tresporte y meyora del allumáu en Mieres.

•Desestacionalización y reconstrucción de la Estación Ivernal Valgrande-Payares como motor económicu del valle de Ḷḷena. Fase 1.

•Meyora del espaciu de los antiguos Talleres del Conde, en Llangréu, pa la so tresformación en recintu ferial.

• Proyectos municipales, con una ayuda de 499.000 euros pa la puesta en marcha de la Casa de les Artes de Güeñu.

La directora xeneral d’Enerxía, Minería y Reactivación, Belarmina Díaz Aguado, valoró la asignación de fondos pol ITX, tanto pol volume económicu como pola calidá y dimensión de los proyectos. Tamién estimó les facilidaes y la collaboración del organismu pa impulsar una transición xusta verdadera nos conceyos afectaos pol zarru de centrales térmiques y d’esplotaciones mineres.

Convocatories abiertes

Díaz recuerda que’l Ministeriu de Transición y Retu Demográficu tien anguaño abiertes delles llinies d’ayudes a proyectos enerxéticos con prioridá pa zones de transición xusta, “que son una oportunidá pa los 27 conceyos asturianos adscritos a esta denominación”.

Estos programes, financiaos con fondos del Plan de Recuperación, Tresformación y Resiliencia tán xestionaos pol Institutu pa la Diversificación y Aforru de la Enerxía (Idea) y encuádrense nel Proyectu Estratéxicu pa la Recuperación y Tresformación Económica d’Enerxía Renovable, Hidróxenu Renovable y Almacenamientu (PERTE-ERHA), que concede primacía a zones de transición xusta en midíes d’enerxía renovable innovador, hidróxenu y almacenamientu.

Proyectos estratéxicos pa la recuperación y tresformación económica:

• Comunidaes enerxétiques. 40 millones. Les solicitúes tán abiertes hasta’l 1 de marzu.
  https://www.idae.es/ayudas-y-financiacion/comunidades-energeticas/programa-de-incentivos-proyectos-piloto-singulares-de
• Proyectos pioneros y singulares d’hidróxenu renovable. 150 millones. El periodu de solicitú abre’l 7 de marzu y remata’l 6 de mayu.​​​​​​​​​​​https://www.idae.es/noticias/el-miteco-abre-la-primera-convocatoria-de-ayudas-para-proyectos-innovadores-de
• Cadena de valor d’hidróxenu renovable, 250 millones. El plazu de presentación de solicitúes va tar abiertu del 8 d’abril al 7 de xunu. Los fondos destínense a grandes electrolizadores (100 millones), demostración y validación de vehículos (80 millones), investigación industrial y esperimental (40 millones) y fomentu de capacidaes y meyores tecnolóxiques en llinies d’ensayu y fabricación (30 millones).
  https://www.idae.es/noticias/el-miteco-abre-cuatro-programas-de-ayudas-la-cadena-de-valor-innovadora-del-hidrogeno
• Almacenamientu enerxéticu. Dotada con 50 millones, forma parte d’una llinia de sofitu del Plan de Recuperación con 150 millones asignaos pa sofitar iniciatives d’I+D, incluyíos proyectos pilotu d’usu comercial. El plazu de presentación de solicitúes va permanecer abiertu del 8 de marzu al 10 de mayu.
  https://www.idae.es/noticias/el-miteco-abre-la-primera-convocatoria-de-ayudas-para-proyectos-innovadores-de
• Proyectos singulares d’instalaciones de biogás. La consulta pública remató’l 11 de febrero.
  https://www.idae.es/noticias/el-miteco-abre-audiencia-publica-las-ayudas-para-instalaciones-de-biogas

Dalgunos de los conceyos de transición xusta considérense tamién conceyos de retu demográficu, pa los qu’hai 2 convocatories abiertes:

• Programa DUS 5000. Ayudes pa inversiones a proyectos singulares locales d’enerxía llimpio.
  https://www.idae.es/ayudas-y-financiacion/programa-dus-5000-ayudas-para-inversiones-proyectos-singulares-locales-de
• PREE 5000. Rehabilitación enerxética d’edificios.
  ​​​​​​​https://www.idae.es/ayudas-y-financiacion/para-la-rehabilitacion-de-edificios/programa-pree-5000-rehabilitacion