Nesti añu 2022 la gala del Premiu Camaretá al Meyor Cantar va ser el sábadu día 22 d’ochobre. Enantes, los miembros del xuráu determinarán, ente tolos grupos que se presenten al premiu, aquellos que pasen a la final, onde van tener qu’interpretar y defender el tema que proponen. El fallu del xuráu faise públicu nel trescursu de la gala. L’espectáculu va contar tamién cola actuación de los ganadores de la edición pasada, Carla Armas y Rubén García, que van ufiertar un pequeñu conciertu.
La convocatoria de la edición d’esti añu pal 2022, a la que van poder presentase cantares n’asturianu y eonaviegu difundíos en 2021, va facese pública nunes selmanes. El premiu tien una dotación de 6.000 euros, troféu y la realización d’un videoclip col tema ganador.
Esta gala final va celebrase nel Teatru de la Llaboral, en Xixón, con entrada gratuita y abierta al públicu, y va retresmitise per TPA. El grupu o solista ganador va integrase nel circuitu “Autores nel Camín” na programación del 2023.