El Serviciu de Salú axudica 680 places d’auxiliar d’enfermería, 12 de planchador y 17 de llavanderu

• Los aspirantes disponen d’un mes, dende mañana, pa tomar posesión nel área sanitaria correspondiente.

El Serviciu de Salú del Principáu (Sespa) axudicó 680 de les 799 places estatutaries fixes convocaes na categoría d’ayudante d’enfermería; 12 de les 13 convocaes pa planchadores y 17 de les 21 pa llavanderos y llavanderes. El Boletín Oficial del Principáu (Bopa) publica güei la relación d’aspirantes que llograron un puestu.

Del total de places ufiertaes pa auxiliares d’enfermería, 700 correspondíen a la vez d’accesu llibre (661 de cupu xeneral y 39 pa persones con discapacidá física) y 99 a la vía de promoción (95 de cupu xeneral y 4 pa persones con discapacidá física).

Tocantes a les categoríes de planchadores y llavanderos, toles places correspuenden a la vez d’accesu llibre acutáu a persones con discapacidá intelectual.

Los aspirantes con plaza axudicada van disponer d’un mes, a partir de mañana, pa tomar posesión nel área sanitaria correspondiente.

Per otra parte, les persones que yá tuvieren plaza en propiedá en dalguna otra categoría de personal estatutariu van poder optar, nel momentu de tomar posesión de la nueva, a la situación de excedencia n’una de los dos. Asina, si nun se realiza unu pidimientu espresu, va entendese que se solicita la excedencia pa la categoría d’orixe.