• 29 de marzo de 2024 12:17

El Principáu ultima una nueva edición del programa Lanzaderes Conecta Empléu p’ayudar a alcontrar trabayu a 120 persones

  • El Gobierno d’Asturias va impulsar el proyectu en collaboración cola Fundación Santa María la Real y la Fundación Telefónica
  • La iniciativa va desenvolvese n’Avilés, Xixón, Llangréu y Uviéu y el plazu d’inscripción ta abierto hasta’l 14 de febreru
  • Los interesaos van poder apuntase na páxina web www.lanzaderasconectaempleo.es o nes oficines del Sepepa


El Gobiernu d’Asturies va poner en marcha a finales de febreru cuatro nueves Lanzaderes Conecta Empléu p’ayudar a 120 persones na so busca de trabayu por aciu un sistema que va incorporar nueves técniques d’orientación llaboral y ferramientes dixitales.

La iniciativa cunta cola cofinanciación del Fondu Social Européu (FSE) dientro del programa operativu POISES. Ta impulsada pola Fundación Santa María la Real y la Fundación Telefónica en collaboración col Serviciu Públicu del Empléu del Principáu d’Asturies (Sepepa).

Les nueves Lanzaderes Conecta Empléu d’Avilés, Xixón, Llangréu y Uviéu van tar operatives hasta finales de xunetu. Van Tener un formatu mistu: los sos participantes van asistir toles selmanes a sesiones virtuales, al traviés de distintes aplicaciones informátiques, y van participar tamién en sesiones presenciales en locales cedíos gratuitamente pola Conseyería d’Industria, Empléu y Promoción Económica. Estos espacios van cuntar con toles midíes d’hixene, seguridá y distancia social riquíes. Sicasí, el programa va poder pasar a un formatu totalmente online si asina se rique pola evolución de la pandemia.

Cada lanzadera va cuntar con un máximu de 30 places.  Van poder participar homes y muyeres en paru que tengan ente 18 y 60 años, con cualesquier nivel d’estudios y tanto si cunten con esperiencia llaboral previa o si opten al so primer trabayu.

Les persones escoyíes van cuntar col asesoramientu d’especialistes n’orientación llaboral, ferramientes dixitales y contactos con empreses que los van guiar p’ameyorar la so empleabilidá y buscar el so insertamientu llaboral. D’esta miente, van realizar dinámiques d’intelixencia emocional, van actualizar los sos currículos, van participar en simulaciones d’entrevistes de trabayu y van desenvolver mapes d’empleabilidá y contactos con empreses. Tamién van aprender a usar nueves ferramientes dixitales, aplicaciones y redes sociales pa impulsar la so busca d’empléu na redolada online.
Inscripciones

Les persones interesaes en participar nesti programa, de calter totalmente gratuitu, van poder inscribise hasta’l 14 de febreru na web Lanzaderas conecta empleo. Tamién van poder facelo de forma presencial nes oficines del Serviciu Públicu d’Empléu.

Dende 2013, Asturies entamó 25 lanzaderes d’empléu en diverses modalidaes: lanzaderes d’Empléu; lanzaderes Conecta Empléu; lanzaderes pa moces o pa muyeres. Nelles participaron 603 persones, de les qu’un 60% ameyoró la so situación llaboral al atopó un trabayu por cuenta ayena o optó pol autoempléu. Munchos de los participantes tamién llograron certificaos de profesionalidá o ampliaron la so formación pa optar a nueves oportunidaes llaborales.​​​​

Deja una respuesta

Tu dirección de correo electrónico no será publicada. Los campos obligatorios están marcados con *

quince + 6 =

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies