El Gobiernu d’Asturies llanza una campaña de Navidá pa promocionar la marca de calidá Alimentos del Paraísu qu’incorpora tanto productos frescos: carne, pexe, fruta y miel, como ellaboraos: quesos, conserves, repostería o platos preparaos.
El sellu creció de manera bien significativa nos últimos años y va caltener esti enclín en 2022, cola incorporación de productos nuevos, como la güerta asturiana y los ellaboraos cárnicos. Tamién va siguir ampliándose la rede de comercios acoyíos al distintivu fora d’Asturies y van buscase nuevos socios estratéxicos pa impulsar la marca nel sector de la hostelería y la restauración.
Alimentos del Paraísu axunta anguaño a más de 340 ellaboradores que representen más del 50% de la industria agroalimentaria rexonal. Hai que destacar que, dientro de la marca de calidá, hai 76 queseríes del total de 98 qu’esisten n’Asturies.
La nueva campaña complementa les acciones llevaes a cabu anguaño. Amás de los oxetivos promocionales, inclúi un reconocimientu a toles persones que contribuyeron col so trabayu a que los productos agroalimentarios sían más valoraos pola parte de el consumidores. Pa eso, van espublizase imaxes y un video promocional que remembren la esencia del mediu rural asturianu fundiendo paisaxe, tradición y productos. Tamién va editase un calendariu con semeyes esclusives qu’identifiquen y realcen los Alimentos del Paraísu.
Otres de les novedaes va ser la renovación de la páxina web de la marca con una completa revisión estética y funcional p’ameyorar la esperiencia del usuariu, con un sistema de busca cenciellu y prácticu, y que va dar más protagonismu al conteníu gráfico y multimedia. Igualmente, va poner a disposición de los navegantes una ferramienta bien completa p’alcontrar la información de los operadores, lo que va apurrir valor añedíu a la información del portal.
Garaje Domínguez regresa un año más a la Feria Internacional de Muestras de Asturias (FIDMA),…
El Ayuntamiento de Lena ha solicitado a la Consejería de Medio Rural y Política Agraria…
Las movilizaciones convocadas en Pola de Lena para reclamar mejoras en el servicio de Correos…
Hay personas que pasan la vida contando historias y otras que, sin proponérselo, acaban convirtiéndose…
El Ayuntamiento de Lena ha abierto el plazo de inscripción para cuatro cursos de formación…
Vecinos de San Martino han trasladado a llenaaesgaya.es su malestar por la existencia, aseguran, de…