La Conseyería de Mediu Rural y Cohesión Territorial publicó la convocatoria d’ayudes pa entidaes del ámbitu forestal destinaes a fortalecer el sector y favorecer el desenvolvimientu sostenible. La llinia de subvenciones ta dotada con 60.000 euros y destínase a cubrir gastos d’actividá, formación, cursos y campañes de divulgación.
Estos fondos contribúin a fomentar valores como l’asociacionismu dientro del texíu social forestal, la puesta en valor d’esperiencies o l’agrupación de vendedores. Pa ello, divídense en dos llinies:
•Llinia destinada a actuaciones pal fomentu y estensión forestal. Cunta con un presupuestu de 40.000 euros y sofita actividaes estratéxiques d’acompañamientu a los oxetivos prioritarios del Principáu, como la organización de campañes técniques o demostratives y de xornaes de divulgación, ente otres.
•Llinia pal restu d’actividaes, ente les que s’inclúi financiamientu pa publicaciones, pa cuotes de suscripción a les mesmes o les abonaes por pertenencia a asociaciones nacionales ya internacionales; mesmo que los gastos propios del funcionamientu de les asociaciones. Ta dotada con 20.000 euros.
Les ayudes cunten con financiamientu del Fondu Européu Agrícola de Desenvolvimientu Rural (Feader) y el plazu pa la presentación de les solicitúes remata’l 31 d’ochobre.
El sector forestal supón casi’l 4% del productu interior brutu (PIB) rexonal y xenera unos ingresos añales a los propietarios de más de 70 millones.
Fonte: Gobirnu del Principau d’Asturies
La deportista lenense Valeria Álvarez ha sido convocada por la selección de Castilla y León…
Campumanes acogerá este miércoles, 17 de junio, una nueva cita con la música en directo…
La Casa de Cultura de La Pola acogerá este jueves, 18 de junio, un taller…
Los representantes del Club Judo Lena completaron una destacada actuación en el Campeonato de España…
La localidad lenense de Xomezana Riba celebrará sus fiestas de San Pedro los días 26,…
El Club Kárate Lena cerró este pasado sábado, 13 de junio, la temporada antes del…