El BOPA publica les directrices comunes pa la tramitación de proyectos financiaos col Mecanismu de Recuperación y Resiliencia

  • Trátase d’un pasu más nel axuste normativu del Principáu pa llograr una xestión áxil y eficiente d’estos fondos europeos

El Boletín Oficial del Principáu d’Asturies (BOPA) publica güei les directrices comunes qu’ellaboró l’Alministración autonómica pa la tramitación de los proyectos financiaos col Mecanismu de Recuperación y Resiliencia (MRR). Estes directrices, aprobaes pol Conseyu de Gobiernu, suponen un pasu más nel axuste normativu empecipiáu pa llograr una xestión áxil y eficiente d’estos fondos europeos.

Primeramente, foise avanzando nel mesmu sentíu con otres midíes como la Llei de Midíes Alministratives Urxentes o’l Plan de Midíes Antifraude.

Les directrices publicaes agora contienen una serie de pautes básiques pa garantizar el siguimientu y control afayadizu y la certificación de los gastos vinculaos al MRR y van sirvir d’orientación a tolos centros xestores de l’Alministración autonómica. Asina mesmo, contémplase un mecanismu p’adaptar a estes directrices los espedientes que yá tán en tramitación.

El Principáu yá llicitó convocatories y proyectos vinculaos al MRR por un importe de 83 millones, según la última actualización de datos.

Nel enllaz siguiente puen consultase les directrices publicaes nel BOPA:

https://cutt.ly/oSiDnUj​​​​​​​

Deja una respuesta

Tu dirección de correo electrónico no será publicada.

trece − uno =