Axentes del Mediu Natural de la Conseyería de Mediu Rural y Cohesión Territorial interceptaron ayeri, mientres realizaben llabores de vixilancia y custodia del territoriu, una partida de caza illegal na reserva del paisaxe protexíu del Sueve. Cuatro persones fueron pillaes in fraganti polos miembros de la Guardería cuando cometíen un grave delitu medioambiental.
Los axentes del Mediu Natural prindaron dellos trofeos llograos de manera illegal y les armes utilizaes. Toles pruebes documentales y les persones implicaes na cacería ensin autorización fueron puestes a disposición de la Guardia Civil.
La Conseyería del Mediu Rural y Cohesión Territorial sigue collaborando coles fuerces y cuerpos de seguridá del Estáu p’afondar nes dilixencies d’investigación abiertes. Nesti sentíu, yá se realizaron intervenciones conxuntes pa recuperar más restos de les pieces abatíes na reserva.
La llucha contra’l *furtivismu ye una de les actividaes principales que desenvuelve la Guardería del Mediu Natural pa garantizar l’afayadiza custodia del territoriu y el cumplimientu de les lleis sobre protección de la naturaleza.
El Teatro Vital Aza de Pola de Lena acogió en la mañana de este jueves…
El exalcalde de Lena y actual secretario de Estado de Medio Ambiente, Hugo Morán, ha…
Las estaciones de esquí de Valgrande-Pajares (Lena) y Fuentes de Invierno (Aller) han cerrado la…
El grupo municipal del Partido Popular de Lena ha celebrado la adecuación de un solar…
La consejera de Salud del Principado de Asturias, Concepción Saavedra, presentó este miércoles 8 de…
El Ayuntamiento de Lena ha exigido a la Consejería de Educación del Principado de Asturias…