Asturies atrai per segundu añu consecutivu más empreses d’otres autonomíes de les que deciden abandonar la comunidá

Un total de 85 compañíes treslladaron la so sede al Principáu en 2021, la mayoría procedentes de Madrid, frente a les 79 que se camudaron dende equí a otres provincies.
Los cambeos de sede dexen captar un volume de negociu de 447 millones, cinco veces superior al perdíu.
La rexón ye una de les cinco con saldu positivu nos movimientos empresariales el pasáu exerciciu.
empresariales del pasado ejercicio.

Asturies vuelve atraer per segundu añu consecutivu más empreses d’otres autonomíes de les que deciden abandonar la comunidá pa treslladase a otres provincies, según reflexa l’informe Cambeos de domiciliuen 2021, ellaboráu pola consultora Informa D&B. El documentu muestra que l’exerciciu pasáu llegaron al Principáu 85 compañíes y camudáronse 79, lo que reflexa un saldu positivu de 6 movimientos empresariales.

La comunidá foi una de los cinco que caltuvieron esti enclín a nivel nacional, xuntu con Madrid, Baleares, Galicia y Aragón, que tamién esperimentaren saldos favorables en 2020. Nel casu del Principáu, esi añu llegaron 59 empreses y marcharon 55.

Tocantes a la procedencia de les firmes que se treslladaron a Asturies pa desenvolver la so actividá, 33 yeren de Madrid, 21 de Castiella y Llión, 12 de Cataluña, 6 d’Andalucía, 4 de Galicia, 3 de Cantabria, 3 del País Vascu, 2 de la Comunidad Valenciana y una de La Rioxa.

Pela so parte, les que se camuden d’Asturies fáenlo a les siguientes comunidaes: Madrid (39), Cataluña (9), Andalucía (7), País Vascu (6), Galicia (6), Comunidad Valenciana (4), Castiella y Llión (3), Cantabria (2), Castiella-La Mancha (1), Aragón (1) y Canaries (1).

A nivel nacional, 5.403 compañíes treslladaron la so sede social a otra comunidá en 2021, un 20% más que l’añu anterior. En 2020, el númberu de cambeos de domiciliu baxara pola pandemia hasta asitiase en 4.503, llueñe de los 6.276 rexistraos en 2019.

Si atendemos a la facturación que representen les empreses que camuden de domiciliu, Asturies añede 447 millones, en bona midida pola absorción per parte del Grupu EDP de les actividaes de Viesgo, enantes domiciliada en Cantabria. Esti datu ye bien positivu, cuidao que les sociedaes que dexaron la comunidá facturaben 85 millones, polo qu’en términos de ganancia de negociu’l saldu ye bien favorable.

Polítiques d’atracción d’inversiones

Los datos del estudiu respuenden por l’éxitu de les polítiques d’atracción d’inversiones que punxo en marcha’l Gobiernu d’Asturies al traviés del Grupu Idepa, mesmo el restu d’acciones impulsaes pa convertir el Principáu nuna comunidá amañosa pa’l desenvolvimientu empresarial.

Ente estes iniciatives, destaca la puesta en marcha de la Estratexa d’Atracción d’Inversiones, que facilitó la captación de 5 proyectos con una inversión global de 220 millones y la creación de 199 puestos de trabayu. Trés d’ellos teníen la so sede n’otres comunidaes: Team EQ; Bedrock Intelligence y Mind Facilities Management.

El comité de promoción de la estratexa detectó 106 oportunidaes d’inversión en distintos estaos de maduración. Los países d’orixe de los proyectos son Alemaña, Austria, Brasil, Chile, China, Emiratos Árabes Xuníos, EE.UU, Holanda, Italia, México, Noruega y Reinu Uníu. Tocantes a les actividaes o sectores, los más destacaos son l’agrariu, la industria, los servicios avanzaos y los de sofitu industrial.

Pela so parte, l’área d’aceleración de proyectos estratéxicos trabayó en dellos ámbitos adaptaos a los requerimientos plantegaos, con 19 proyectos de los sectores d’economía circular, acuicultura, siderurxa, defensa, inxeniería y montaxes eléctricos, y construcción naval, ente otros.

Tamién s’esforzaron en distintes acciones de promoción del Principáu como destín d’inversión y nel llanzamientu de nueves llinies de financiamientu al traviés de la Sociedá Rexonal de Promoción (SRP) y el Centru Européu d’Empreses ya Innovación (CEEI).

Redacción