• 28 de marzo de 2024 11:25

Axentes del Mediu Natural identifiquen al presuntu autor d’una quema nes proximidaes de Bustariega

PorRedacción

Feb 10, 2022
  • Miembros de la Guardería observaron columnes de fumo nuna zona de pastu con predominio d’argomal y roza mientres facíen llabores de vixilancia del territoriu

Axentes del Mediu Natural de la Conseyería de Mediu Rural y Cohesión Territorial, en collaboración con miembros de la Guardia Civil, identificaron al posible autor d’una quema nes proximidaes de la localidá de Bustariega, ente los conceyos de Somiedu y Balmonte. 

L’actuación tuvo llugar ayeri sobre les 18:30 hores, cuando miembros de la Guardería que facíen llabores de vixilancia y custodia del territoriu repararon nunes columnes de fumu nuna zona de camperes con predominiu d’argomal y roza. Darréu, dieron parte a la Guardia Civil y treslladáronse ellí. 

Los servicios técnicos de la conseyería van poner los fechos en conocimientu de la Fiscalía del Tribunal Superior de Xusticia d’Asturies por si pudiera apreciase delitu. El delitu quema forestal regúlase nel artículu 352 del Códigu Penal, na so modalidá básica, nos siguientes términos: los qu’amburaren montes o mases forestales, van ser castigaos coles penes de prisión d’unu a cinco años y multa de doce a dieciocho meses.

Los conceyos de Belmonte y Somiedu sufrieron n’ocasiones repetíes quemes forestales, polo que dende la Guardería intensificóse la vixilancia na redolada.

La Conseyería de Mediu Rural y Cohesión Territorial fai un llamamientu a la ciudadanía pa estremar el precuru coles mires d’evitar quemes. La estratexa integral de prevención y llucha contra les quemes forestales n’Asturies plania espacial y temporalmente les actividaes de calter forestal y les que se desenvuelven nel mediu rural pa minimizar los fueos. 

Deja una respuesta

Tu dirección de correo electrónico no será publicada. Los campos obligatorios están marcados con *

14 − 9 =

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies