Asturies cerró setiembre con 64.208 paraos, la cifra más baxa pa esi mes dende’l 2008. En comparanza col añu pasáu, constátase un descensu interanual del 17,69 %, con 13.798 paraos menos, según los datos publicaos güei pol Ministeriu de Trabayu y Economía Social.
Nos últimos doce meses, el paru baxó n’Asturies en dambos sexos, en tolos grupos d’edaes y en tolos sectores d’actividá. Destaca sobre manera la cayida del 30,92 % ente los paraos menores de 25 años, un colectivu d’actuación preferente pal Gobiernu d’Asturies, y les baxaes del 27,36 % y del 21,84 % na industria y na construcción, respectivamente, que se consoliden como actividaes tractores en términos d’empléu nel Principáu.
Si se compara la cifra de paraos al zarru de setiembre cola rexistrada’l 16 de marzu del 2020 —primer día del estáu d’alarma por causa de la pandemia sanitaria— Asturies cunta con 8.640 menos, lo que supón un descensu del 11,86 %.
Al respective d’agostu, el paru aumentó en 2.549 persones (+ 4,12 %), en bona midida pol fin de les contrataciones vinculaes a la temporada turística. Ello ye que’l sector servicios representa’l 85,70 % de los nuevos demandantes de trabayu en setiembre. Otra manera, la construcción y la industria caltuvieron los niveles d’empléu.
La incidencia de les actividaes turístiques na evolución del paru rexistráu pue vese a les clares en conceyos como Cabrales, que rexistró un aumentu del 28,07 %, Cangues d’Onís (+ 26,57 %), Valdés (+ 13,21 %) y Llanes (+ 24,80 %). Hasta agora, Asturies sumaba seis meses siguíos de descensos del desempléu.
A pesar del aumentu mensual del paru, la contratación caltién l’enclín positivu de los últimos meses, con una medría del 8,76 %, hasta sumar 28.638 allugamientos. L’aumentu del empléu indefiníu concrétase con aproximao un millar de contratos fixos en setiembre, un 59,47 % más que n’agostu.
Pilar Varela, xerente del Serviciu Públicu d’Empléu (Sepepa), destacó que’l Gobiernu d’Asturies tien en marcha distintes programes y polítiques actives d’empléu p’atayar el paru, ente les que figura una llinia nueva d’ayudes a la contratación, por importe de 8,5 millones, que s’abre a últimos de setiembre.
Asturies cerró setiembre con 64.208 paraos, la cifra más baxa pa esi mes dende’l 2008. En comparanza col añu pasáu, constátase un descensu interanual del 17,69 %, con 13.798 paraos menos, según los datos publicaos güei pol Ministeriu de Trabayu y Economía Social.
Nos últimos doce meses, el paru baxó n’Asturies en dambos sexos, en tolos grupos d’edaes y en tolos sectores d’actividá. Destaca sobre manera la cayida del 30,92 % ente los paraos menores de 25 años, un colectivu d’actuación preferente pal Gobiernu d’Asturies, y les baxaes del 27,36 % y del 21,84 % na industria y na construcción, respectivamente, que se consoliden como actividaes tractores en términos d’empléu nel Principáu.
Si se compara la cifra de paraos al zarru de setiembre cola rexistrada’l 16 de marzu del 2020 —primer día del estáu d’alarma por causa de la pandemia sanitaria— Asturies cunta con 8.640 menos, lo que supón un descensu del 11,86 %.
Al respective d’agostu, el paru aumentó en 2.549 persones (+ 4,12 %), en bona midida pol fin de les contrataciones vinculaes a la temporada turística. Ello ye que’l sector servicios representa’l 85,70 % de los nuevos demandantes de trabayu en setiembre. Otra manera, la construcción y la industria caltuvieron los niveles d’empléu.
La incidencia de les actividaes turístiques na evolución del paru rexistráu pue vese a les clares en conceyos como Cabrales, que rexistró un aumentu del 28,07 %, Cangues d’Onís (+ 26,57 %), Valdés (+ 13,21 %) y Llanes (+ 24,80 %). Hasta agora, Asturies sumaba seis meses siguíos de descensos del desempléu.
A pesar del aumentu mensual del paru, la contratación caltién l’enclín positivu de los últimos meses, con una medría del 8,76 %, hasta sumar 28.638 allugamientos. L’aumentu del empléu indefiníu concrétase con aproximao un millar de contratos fixos en setiembre, un 59,47 % más que n’agostu.
Pilar Varela, xerente del Serviciu Públicu d’Empléu (Sepepa), destacó que’l Gobiernu d’Asturies tien en marcha distintes programes y polítiques actives d’empléu p’atayar el paru, ente les que figura una llinia nueva d’ayudes a la contratación, por importe de 8,5 millones, que s’abre a últimos de setiembre.
Fonte: Nota de prensa Gobiernu d’Asturies