Esti xueves, alcuentru col escritor ḷḷenizu Alejandro Fernández Osorio

Alejandro Fernández Osorio, natural de Viḷḷayana, mantendrá un alcuentru esti xueves, a les 19h, nel Salón d’Actos de la Casa la Cultura de La Pola. L’actu va ser con entrada llibre hasta completar aforu.

Na biografía facilitada na web del Ayuntamientu de Ḷḷena especifiquen: «Ye psicólogu y escritor. Tien publicaos los llibros de poemes Frontería (2011) y Magaya (2015), amás de la novela JC (2016), obres poles que-y fueron concedíos los premios Asturies Xoven de poesía y narrativa, y el premiu de la Crítica d’Asturies de poesía n’asturianu. Fernández-Osorio collaboró en publicaciones culturales como Clarín, Cuaderno de lluvia, Koult, El cuaderno y Oculta lit«.

El ḷḷenizu foi Premiu de Poesía Xuan María Acebal 2020. Dende’l Serviciu de Normalización Llingüística de Ḷḷena apunten «nun podemos tener más ilusión por compartir una tarde con él«.