L’actividá quirúrxica aumentó n’Asturies un 23 % nos primeros nueve meses del añu, al pasar de 42.733 intervenciones a 52.664, lo que supón 9.931 más que nel mesmu periodu del 2020. En setiembre, cuando se rexístren davezu peores cifres, el númberu d’operaciones medró un 9 % al respective del mesmu mes del exerciciu anterior. Al zarrar setiembre contabilizábense 21.147 ciruxíes pendientes, según l’últimu informe publicáu esta tarde pol Serviciu de Salú del Principáu (Sespa).
A la medría de l’actividá ordinaria súmase’l plan de choque p’amenorgar les llistes d’espera quirúrxica. Asina, dende’l 20 de setiembre, realizáronse 267 intervenciones n’horariu de tarde, polo que’l Sespa calcula qu’a partir de payares va notase la mengua del númberu de pacientes qu’aguarden una operación.
Los profesionales del Sespa atendieron 126.740 consultes esternes el mes pasáu, polo que menguó en siete díes la espera media estructural en comparanza col mesmu mes del 2020 y asitióse en 70. Esta mengua ye destacable sobre manera nes especialidaes de Traumatoloxía y Dermatoloxía, que los sos pacientes aguarden, de media, 41 y 24 díes menos, respectivamente.
Otra manera, tamién xubió’l númberu de pruebes de diagnósticu al respective d’agostu. De resultes d’esó, menguó la demoranza media d’espera pa una colonoscopia, mamografía y ecografía, y caltúvose pal TAC en referencia a setiembre del 2020.
Fonte: Nota de Prensa Gobiernu d’Asturies
La Sociedad Deportiva Lenense Proinastur ha declarado el partido del próximo domingo ante el Real…
El Grupo Municipal de Compromisu por Asturies en Lena/Ḷḷena ha presentado una moción al Pleno…
Las obras para dotar de alumbrado público al entorno de Columbiello ya han comenzado, dando…
La Policía Nacional ha identificado a cinco personas como presuntas implicadas en un delito de…
Jóvenes estudiantes de Lena han trasladado a la redacción de llenaaesgaya.es la petición de crear…
El tiempo volverá a traer un marcado ambiente invernal al concejo de Lena a lo…