El SEPA atendió na sala del 112 Asturies un total de 723.915 llamaes en 2021

La Sala del 112 del Serviciu d’Emerxencies del Principáu d’Asturies (SEPA) recibió un total de 723.915 llamaes el pasáu añu 2021, lo que supon una media diaria de 1.983. La mayor parte d’estes llamaes, en concretu 479.052, fueron d’emerxencia, esto ye, rellacionaes con dalgún incidente. Amás, contabilizáronse 49.968 llamaes informatives y 27.325 de trabayu. El restu fueron tipificadas como non pertinentes (móviles equivocaos, ensin respuesta del interlocutor, chancies, etc…).

Toes estes llamaes al 112 Asturies derivaron na apertura de 310.116 incidentes que riquieron la movilización de dalgún tipu de recursu. Nel so mayor parte, 242.762 correspondense cola categoría d’atención sanitaria. Tamién se rexistraron, ente otros, 32.375 incidentes rellacionaos cola seguridá ciudadana y seguridá vial y 7.023 accidentes de tráficu. La media diaria foi de 847 incidentes.

Salíes de Bomberos del SEPA

Al respective de l’actividá de la rede de parques de Bomberos del SEPA, hai que señalar que, mientres el pasáu añu, realizaron un total de 9.214 salíes a distintes intervenciones. La mayor parte, en concretu 2.589, fueron pa retirada d’elementos peligrosos. Tamién se rexistraron 2.003 salíes pa quemes forestales y 970 pa quemes urbanes, 819 rescates, 312 accidentes y 140 salíes pa rastrexos. (Ver cuadru axuntu)

Bomberos del SEPA cuenta con 19 parques de bomberos distribuyíos por tola rexón que trabayen en rede so un criteriu de funcionalidad, esto ye, garantizar la mayor rapidez y eficacia posible en cualquier puntu d’Asturies. Per centros de trabayu los parques de La Morgal con 1243 salíes, Avilés con 988, Samartín del Rei Aurelio con 837 salíes y Cangues d’Onís con 714 fueron los que rexistraron mayor actividá.

Sobro les salíes realizaes pa distintes intervenciones pelos medios aéreos contabilizáronse un total de 534 salíes y el Grupu de Rescate realizó 407. L’organismu autónomu cuenta con trés helicópteros, unu d’ellos medicalizado y biturbina, p’atender les emerxencies que puedan surdir en tol territoriu y otros dos multifunción destinaos, fundamentalmente, pa estinción de quemes forestales.