El Gobiernu d’Asturies va xestionar 22,8 millones empobinaos a la execución de seis planes de sostenibilidá turística en destín, per un sitiu, y a acciones de cohesión en destín, per otru.
Amás, la Conferencia Sectorial de Turismu, na que participó la conseyera de Cultura, Política Llingüística y Turismu, Berta Piñán, aprobó güei la repartida d’ayudes para la eficiencia enerxética y l’economía circular, coles que’l Principáu va movilizar más de 6,6 millones nes añalidaes 2021 y 2022.
L’aprobación de los creitos para los planes territoriales estraordinarios va pemitir a Asturies xestionar 7.474.000 euros p’acciones de cohesión en destín, que van contribuyir a completar y rellacionar de manera tresversal los planes de sostenibilidá turística en destín para conceyos y mancomunidaes. El restu de los 22,8 millones va distribuyise ente los planes estraordinarios de sostenibilidá en destín presentaos por cuatro conceyos y dos mancomunidaes, de la siguiente manera:
Piñán informó de que, dientro de les actuaciones de cohesión en destín, van dedicase 2.490.000 euros al plan rexonal de rutes, senderismu y cicloturismu; 830.000 al plan de dixitalización de les Oficines d’Información Turística (OIT); 1.252.382 al programa d’impulsu de productos turísticos y marques de calidá, y 350.000 a la creación d’una plataforma específica de formación online.
Los criterios oxetivos utilizaos pa la distribución territorial d’estos creitos presupuestarios fueron económicos (porcentaxe del PIB turísticu respectu al PIB autonómicu y cayida de l’afiliación de trabayadores del sector dende avientu de 2019 a avientu de 2020), territoriales (porcentaxe de superficie de la comunidá al respective de la nacional y densidá de población) y turísticos (númberu de turistes en 2019 y gastu turísticu esi mesmu añu).
La conseyera aseguró qu’esti plan “ye una gran oportunidá pa consolidar l’apueste d’Asturies por un modelu de turismu sostenible y p’acelerar la nuestra estratexa, basada nos principios de sostenibilidá, autenticidá, identidá rexonal y calidá”.
La Conferencia Sectorial de Turismu aprobó tamién la distribución de les ayudes pa eficiencia enerxética y economía circular d’empreses turístiques, dirixíes a persones o empreses que seyan propietaries d’edificios destinaos a agospiamientos turísticos. Asturies va movilizar 6.629.010 euros pa esti fin.
Les actuaciones subvencionables tienen d’encuadrase nuna o delles d’estes tipoloxíes:
– La meyora de la eficiencia enerxética de la envolvente térmica.
– La meyora de la eficiencia enerxética y usu d’enerxíes anovables nes instalaciones térmiques de calefacción, climatización, refrigeración, ventilación y agua caliente sanitaria.
– La meyora de la eficiencia enerxética de les instalaciones de lluz.
Les convocatories de los sofitos pa los agospiamientos turísticos tendrán d’efectuase nel plazu máximu de seis meses dende la entrada a valir del real decretu de concesión directa de les subvenciones.
La Conferencia Sectorial tamién alcordó qu’en 2022 el Plan Nacional de Sostenibilidá, dotáu de 50 millones y que en 2021 dedicóse al Camín de Santiago, se centre a la enogastronomía.
El Boletín Oficial del Principado de Asturias (BOPA) ha publicado el convenio suscrito entre el…
La Casa de la Cultura de Pola de Lena será escenario el viernes 16 de…
El concejo de Lena formará parte a partir del próximo mes de abril de la…
El Teatro Vital Aza de Pola de Lena acogerá este domingo 18 de enero, a…
Más de sesenta establecimientos hosteleros de toda España participarán desde este jueves en la cuarta…
Las estaciones invernales asturianas de Valgrande-Pajares y Fuentes de Invierno registraron durante el último fin…