El Gobiernu d’Asturies llanza una campaña de Navidá pa promocionar la marca de calidá Alimentos del Paraísu qu’incorpora tanto productos frescos: carne, pexe, fruta y miel, como ellaboraos: quesos, conserves, repostería o platos preparaos.
El sellu creció de manera bien significativa nos últimos años y va caltener esti enclín en 2022, cola incorporación de productos nuevos, como la güerta asturiana y los ellaboraos cárnicos. Tamién va siguir ampliándose la rede de comercios acoyíos al distintivu fora d’Asturies y van buscase nuevos socios estratéxicos pa impulsar la marca nel sector de la hostelería y la restauración.
Alimentos del Paraísu axunta anguaño a más de 340 ellaboradores que representen más del 50% de la industria agroalimentaria rexonal. Hai que destacar que, dientro de la marca de calidá, hai 76 queseríes del total de 98 qu’esisten n’Asturies.
La nueva campaña complementa les acciones llevaes a cabu anguaño. Amás de los oxetivos promocionales, inclúi un reconocimientu a toles persones que contribuyeron col so trabayu a que los productos agroalimentarios sían más valoraos pola parte de el consumidores. Pa eso, van espublizase imaxes y un video promocional que remembren la esencia del mediu rural asturianu fundiendo paisaxe, tradición y productos. Tamién va editase un calendariu con semeyes esclusives qu’identifiquen y realcen los Alimentos del Paraísu.
Otres de les novedaes va ser la renovación de la páxina web de la marca con una completa revisión estética y funcional p’ameyorar la esperiencia del usuariu, con un sistema de busca cenciellu y prácticu, y que va dar más protagonismu al conteníu gráfico y multimedia. Igualmente, va poner a disposición de los navegantes una ferramienta bien completa p’alcontrar la información de los operadores, lo que va apurrir valor añedíu a la información del portal.
La escritora asturiana Aitana Castaño presentará su última novela, ‘Las madrinas’, el próximo 26 de…
El Teatro Vital Aza de Pola de Lena acogerá el próximo domingo 15 de marzo,…
La Televisión Pública del Principado de Asturias, dentro de su programa ‘Pueblos’, visita la localidad…
La Agencia Estatal de Meteorología (AEMET) ha activado aviso por nevadas de nivel importante en…
El IES Santa Cristina de Lena impulsa durante este mes de febrero una iniciativa sostenible…
El Colegio Sagrada Familia El Pilar, en Pola de Lena, ha participado esta semana en…