El Gobiernu del Principáu punxo en marcha una campaña informativa y de sensibilización social que muestra una comunidá respetuosa colos derechos del colectivu LGTBI na que nun caben prexuicios rellacionaos cola diversidá sexual.
El mensaxe central recueye nel vídeu Asturias, orgullo de ti (Asturies, arguyu de ti),, que yá se mueve nes redes sociales pa reconocer y destacar el talante integrador y atentu de la población asturiana con toles persones, independientemente de la so orientación. La iniciativa inclúi el repartu de pulseres col mesmu lema que se van distribuyir al traviés de la Universidá d’Uviéu, el Conseyu de la Mocedá d’Asturies y la mesma Dirección Xeneral de Mocedá, Diversidá Sexual y Derechos LGTBI.
La campaña anima a la ciudadanía a xubir una semeya a los sos perfiles de redes sociales lluciendo la pulsera y cola etiqueta (hashtag) AsturiesArguyuDeTi.
Tamién se van espublizar folletos esplicativos sobre los delitos d’odiu que van sirvir pa recordar a la población el númberu de teléfonu 635 178 634, al traviés del que’l Gobiernu d’Asturies atiende de manera axil y profesional les necesidaes de les víctimes de LGTBIfobia. Esta llinia ta operativa les 24 hores, tolos díes del añu, tanto en manera de llamada convencional como por aciu mensaxería per wasap.
Per otra parte, dientro de la mesma campaña, el 21 d’avientu va realizase una acción formativa empobinada a policíes locales cola fin de facilitar la detección y prevención de delitos d’odiu. Les sesiones formatives van correr al cargu de la presidenta de la Comisión de Derechos Humanos y coordinadora del Serviciu d’Atención Xurídica Gratuita a Víctimes de Delitos d’Odiu del Colexu d’Abogaos de Málaga, Charo Alises.
La directora xeneral de Mocedá, Diversidá Sexual y Derechos LGTBI, Clara Sierra, esplica qu’estes acciones son necesaries nestos momentos, énte l’aumentu de los delitos d’odiu. “Los asturianos y les asturianes respetamos a toles persones, tamos acostumaos a convivir en paz y en llibertá y si daquién va contra esta mayoría y opta pol discursu del odiu tien de sentir que ta erráu, equivocáu y solu. Asturies ye una tierra na que toles persones pueden sentise cómodes y desenvolvese plena y llibremente”, sorraya.
Detrás de los reconocimientos que pueden parecer repentinos casi siempre hay años de trabajo, aprendizaje,…
El Club Gimnasia Lena ha comenzado la nueva temporada con un destacado estreno en el…
El presidente del Principado, Adrián Barbón, ha situado la transformación de Valgrande-Pajares como uno de…
El presidente del Principado, Adrián Barbón, volvió a situar este martes el peaje del Huerna…
La petición no es nueva, pero vuelve a repetirse. Un grupo de jóvenes lenenses ha…
El Ayuntamiento de Lena ha sacado a licitación por 63.987,82 euros, impuestos incluidos, la asistencia…