La Consejería de Ciencia, Innovación y Universidad destina 8,7 millones a financiar la investigación d’escelencia n’Asturies. La convocatoria beneficia a 56 equipos, nos que trabayen más d’un millar de científicos de la Universidad d’Uviéu, centros del Conseyu Superior de Investigaciones Científicas (CSIC), la Fundación pa la Investigación Biosanitaria n’ Asturies (Finba) y el Servicio Regional d’Investigación y Desarrollu Agroalimentariu (Serida).
El financiamientu, xestionáu al traviés de la Fundación pal Fomentu n’Asturies de la Investigación Científica Aplicada y la Tecnoloxía (Ficyt), supón una inyección económica hasta 2023 para los grupos escoyíos al traviés d’un procesu d’evaluación de l’Axencia Estatal d’Investigación (AEI).
L’oxetivu de la Conseyería de Ciencia ye fomentar la investigación d’excelencia y el desenvolvimientu de tecnoloxíes emerxentes. Les cuantíes van ente daqué menos de 100.000 euros hasta más de 220.000 euros.
Ún de los indicadores relevantes na concesión de les ayudes ye’l númberu d’investigadores. La metá de los equipos beneficiarios cunten con más de 20 miembros nel so personal investigador, y en dellos casos ronden el mediu centenar. En total, los equipos que recibieron financiamientu cunten con 1.075 investigadores, de los que s’envaloren que cerca de 130 van ser nueves contrataciones.
La presencia de muyeres como investigadores principales ye tamién ún de los factores destacaos. 27 de los equipos, casi la metá, tán lideraos por muyeres investigadores.
Per árees de conocimientu, los grupos escoyíos pola Axencia Estatal distribúiyense de la siguiente forma:
La mayor parte de los equipos beneficiarios investiguen n’árees venceyaes a la nueva Estratexa d’Especialización Intelixente d’Asturies (S3), fundamentalmente en temes venceyaosa la industria intelixente, verde, sostenible y resiliente (14 grupos); avieyamientu activu y saludable (10); agroalimentación (8); enerxía (8); patrimoniu natural, cultural y hestóricu artísticu (5); y economía del datu (4).
La Universidá d’Uviéu ye la institución académica con más grupos d’excelencia financiaos, siguida de los centros del CSIC: l’Institutu de Ciencia y Tecnoloxía del Carbonu (Incar), l’Institutu de Productos Lácteos (IPLA), el Centru d’Investigación de Nanomateriales y Nanotecnología (CINN) y l’Institutu Mistu d’Investigación en Biodiversidá. Tamién resultaron beneficiarios de la convocatoria equipos de Finba y Serida.
Este sábado 4 de mayo llega a La Pola el ‘Tributo al Rey León’ (De…
Vuelta Ciclista Montaña Central 2024
Continúan celebrándose las olimpiadas de estudiantes sobre diferentes materias, en la matemática, que cumple nada…
La autopista del Huerna/Güerna recupera la normalidad tras una colisión múltiple en la que se…
Se acabó. La mala racha de un Lenense Proinastur se rompió esta mañana tras ocho…
Palaciós celebraba este martes y miércoles sus Fiestas de San José Obrero. La programación arrancaba…