La Sociedá Pública de Xestión y Promoción Turística y Cultural del Principáu d’Asturies abrió la convocatoria d’Autores nel Camín. Esti circuitu ta integráu nel programa Asturies, Cultura en Rede, un proyectu de la Conseyería de Cultura, Política Llingüística y Turismu realizáu en collaboración colos conceyos asturianos y xestionáu pola sociedá pública nos que tamién s’incluyen circuitos temáticos d’artes escéniques, artes visuales, música, cultura tradicional, lliteratura y Xacobéu.
El circuitu Autores nel Camín pon en contactu al públicu asturiano colos y les autores y artistes ganadores de los premios lliterarios y escénicos convocaos o impulsaos pola Conseyería de Cultura, Política Llingüística y Turismu nel 2021 al traviés d’alcuentros, recitales y talleres literarios que se van programar ente’l 1 de marzu y el 31 d’avientu d’anguaño.
Con esta iniciativa, y con un presupuestu anual que supera los 50.000 euros, quier potenciase y sofitar el llabor de los profesionales gallardonaos colos premios n’asturianu y n’eonaviegu y promover la programación cultural per tol territoriu del Principáu. Los conceyos asturianos que quieran participar, previa firma d’un conveniu de collaboración cola sociedad pública, puen solicitar los proyectos nos que tean interesaos hasta esti 7 de febreru, a les 14:00 hores.
Les bases y detalles de la convocatoria puen consultase na web www.asturiesculturaenrede.es.
El Ayuntamiento de Lena ha abierto el plazo para solicitar las licencias de aprovechamiento de…
El Ayuntamiento de Lena conmemorará el Día Internacional de la Mujer con un programa de…
El judoca lenense Diego Menéndez participará este fin de semana en la Copa Europea Júnior…
El desfile de Antroxu de Pola de Lena sumará este sábado una propuesta original llegada…
La Universidad Alfonso X El Sabio (UAX) abonará 951,23 euros por alumno y curso al…
El diputado regional del Partido Popular Pedro de Rueda ha denunciado la situación de “abandono…