A continuación: nota de prensa Gobiernu d’Asturies:
El Gobiernu del Principáu y les Cámares de Comerciu presentaron el xueves una base de datos que recueye exemplos de bones práctiques d’empreses asturianes comprometíes cola Axenda 2030 y los Oxetivos de Desenvolvimientu Sostenible.
Esta ferramienta recueye más de 75 exemplos acomuñaos a 31 organismos que sirven de puntu de partida pa conocer la posición del empresariáu rexonal en relación colos propósitos que defende la ONU. Les bones práctiques detectaes agrípense en trés ámbitos: mediu ambiente, sociedá, bon gobiernu y economía, y pueden sirvir d’exemplu a otres compañíes y entidaes.
Esta información púnxose a disposición de la ciudadanía na web www.asturiasresponsable.es, qu’inclúi tamién datos xenerales sobre l’Axenda 2030 y un apartáu de resultaos globales llograos a partir d’encuestes a les empreses sobre’l porcentaxe de bones práctiques recoyíes en cada bloque, los principales fines d’eses práctiques, etcétera.
Amás de la creación de la base de datos, l’Executivu y les cámares van poner en marcha llueu un sellu de responsabilidá social y de cumplimientu d’estos compromisos.
Dambes iniciatives formen parte del proyectu Bones práctiques de responsabilidá social empresarial. Desenvolvimientu y promoción de los Oxetivos pal Desenvolvimientu Sostenible de l’Axenda 2030, nel que collaboraron a lo llargo desti añu les entidaes camerales y la Conseyería de Presidencia, col sofitu del Club Asturianu de la Calidá y de la Universidá d’Uviéu.
El director xeneral de Gobernanza Pública, Tresparencia, Participación Ciudadana y Axenda 2030, José Antonio Garmón; losl presidentes de les Cámares de Comerciu de Xixón y Uviéu, Félix Baragaño y Carlos Paniceres, respectivamente, y el vicepresidente de la Cámara de Comerciu d’Avilés, Alfredo Fernández, presentaron güei’l resultáu d’esi trabayu.
Garmón punxo en valor el llabor que les empreses y entidaes asturianes llevaron a cabu nel campu de la sostenibilidá y sorrayó que les resultaos sopelexas constitúin namás “la punta del iceberg del so compromisu cola Axenda 2030”. El director xeneral tamién convidó a otres organizaciones a sumase a esti procesu y presentar les sos bones práctiques pa compartiles cola sociedá.
El coordinador autonómico de Podemos Asturies, Diego Ruiz de la Peña, ha valorado positivamente la…
El Colegio Sagrada Familia El Pilar en Pola de Lena tiene sus raíces en una…
Siguen los procesos para renovar o cambiar líderes en las formaciones locales. Si en diciembre…
En el Colegio Sagrada Familia El Pilar se encuentran de enhorabuena, tras conocer que son…
Es una actividad abierta a todos los interesados. El Colegio Sagrada Familia El Pilar de…
A sus 18 años el joven lenense David Díaz Ramos debutará este sábado en el…