La xunta de gobiernu del Consorciu para la Xestión de Residuos Sólidos d’Asturies (Cogersa) aprobó güei el presupuestu consolidáu de la sociedá pal exerciciu que vien, que sube a 49.709.033 euros, lo que supón una medría del 11,4 % al respective de anguaño.
El capítulu d’inversiones algama los 22.162.193 euros, de los que más de 17 millones destínense a la planta de clasificación de residuos de la bolsa negra, que se prevé qu’entre en funcionamientu pa 2023. Otres actuaciones significatives diríxense a la construcción de puntos llimpios nuevos, a la meyora de la eficiencia de la planta de clasificación d’envases y a l’ampliación de la planta de compostáu de residuos vexetales, que sumen 2.575.000 euros, de los que 1,8 millones correspuenden a fondos del Plan de Recuperación, Tresformamientu y Resiliencia.
Igualmente, el consorciu prevé acometer en 2022 les obres de conexón del centru de tratamientu de residuos a la rede de gas natural, trabayos a los que se destinen casi 800.000 euros. Esta actuación va facer posible el suministru de gas al complexu y la construcción futura d’una gasinera. Amás, abre les puertes a la esportación de biometano pa usos industriales y domésticos.
Per otra parte, Cogersa va caltener un añu más les ayudes a les parroquies colindantes de Xixón, Carreño, Corvera y Llanera, por un importe de 216.364 euros, amás del sofitu a la Cátedra Coxersa d’Economía Circular, con una tresferencia de 60.000 euros a la Universidá d’Uviéu.
Na xunta, presidida pola viceconseyera de Mediu Ambiente y Cambéu Climáticu, Nieves Roqueñí, y a la que tamién asistió la xerente de Cogersa, Paz Orviz, aprobáronse les tarifes de los servicios emprestaos pola entidá pal próximu añu. Nesti sentíu, destaca la continuidá de la gratuidá del tratamientu por biometanización de los biorresiduos recoyíos per separtao polos conceyos.
El restu de tarifes aumenta, de forma xeneral, un 3%, acordies coles previsiones del IPC. Los servicios que más dependen del consumu de combustible van esperimentar una xubida del 7,5%, ente que la xestión de los residuos non peligrosos depositaos en vertideru va xubir un 10%, col fin de facer frente al costu de l’ampliación.
La xunta de gobiernu del Consorciu para la Xestión de Residuos Sólidos d’Asturies (Cogersa) aprobó güei el presupuestu consolidáu de la sociedá pal exerciciu que vien, que sube a 49.709.033 euros, lo que supón una medría del 11,4 % al respective de anguaño.
El capítulu d’inversiones algama los 22.162.193 euros, de los que más de 17 millones destínense a la planta de clasificación de residuos de la bolsa negra, que se prevé qu’entre en funcionamientu pa 2023. Otres actuaciones significatives diríxense a la construcción de puntos llimpios nuevos, a la meyora de la eficiencia de la planta de clasificación d’envases y a l’ampliación de la planta de compostáu de residuos vexetales, que sumen 2.575.000 euros, de los que 1,8 millones correspuenden a fondos del Plan de Recuperación, Tresformamientu y Resiliencia.
Igualmente, el consorciu prevé acometer en 2022 les obres de conexón del centru de tratamientu de residuos a la rede de gas natural, trabayos a los que se destinen casi 800.000 euros. Esta actuación va facer posible el suministru de gas al complexu y la construcción futura d’una gasinera. Amás, abre les puertes a la esportación de biometano pa usos industriales y domésticos.
Per otra parte, Cogersa va caltener un añu más les ayudes a les parroquies colindantes de Xixón, Carreño, Corvera y Llanera, por un importe de 216.364 euros, amás del sofitu a la Cátedra Coxersa d’Economía Circular, con una tresferencia de 60.000 euros a la Universidá d’Uviéu.
Na xunta, presidida pola viceconseyera de Mediu Ambiente y Cambéu Climáticu, Nieves Roqueñí, y a la que tamién asistió la xerente de Cogersa, Paz Orviz, aprobáronse les tarifes de los servicios emprestaos pola entidá pal próximu añu. Nesti sentíu, destaca la continuidá de la gratuidá del tratamientu por biometanización de los biorresiduos recoyíos per separtao polos conceyos.
El restu de tarifes aumenta, de forma xeneral, un 3%, acordies coles previsiones del IPC. Los servicios que más dependen del consumu de combustible van esperimentar una xubida del 7,5%, ente que la xestión de los residuos non peligrosos depositaos en vertideru va xubir un 10%, col fin de facer frente al costu de l’ampliación.
Fuente: Nota de prensa Gobiernu d’Asturies
El Ayuntamiento de Lena ha abierto el plazo para solicitar las licencias de aprovechamiento de…
El Ayuntamiento de Lena conmemorará el Día Internacional de la Mujer con un programa de…
El judoca lenense Diego Menéndez participará este fin de semana en la Copa Europea Júnior…
El desfile de Antroxu de Pola de Lena sumará este sábado una propuesta original llegada…
La Universidad Alfonso X El Sabio (UAX) abonará 951,23 euros por alumno y curso al…
El diputado regional del Partido Popular Pedro de Rueda ha denunciado la situación de “abandono…