El Boletín Oficial del Principáu d’Asturies (BOPA) publicaba el martes la convocatoria 2022 de subvenciones a les industries en tresformamientu, comercialización y/o desenvolvimientu de productos agrícoles y n’inversiones en tecnoloxíes forestales. Estes ayudes, dotaes con 9,3 millones y cofinanciaes pol Fondu Européu Agrícola de Desenvolvimientu Rural (Feader), favorecen la creación d’empléu en zones rurales, l’afitamientu d’un sector agroalimentariu modernu y de la industria forestal.
Les empreses interesaes tienen hasta’l 18 de febreru pa presentar los proyectos. Daqué más de seis millones correspuenden a ayudes pa les inversiones en tresformamientu, comercialización y/o desenvolvimientu de productos agrícoles, y 3,25 millones a les inversiones en tecnoloxíes forestales.
Les subvenciones cubren un máximu del 40 % de la inversión y contribuyen a ameyorar los sistemes de tresformamientu, comercialización y desenvolvimientu de productos agrarios per aciu del fomentu de la producción local, la venta directa y les canales curties de comercialización. Tamién favorecen la modernización de la industria agraria y agroalimentaria.
Amás, dexen sofitar acciones qu’aumenten el rindimientu global de les esplotaciones y favorezan el caltenimientu del empléu, la incorporación de tecnoloxíes, los procedimientos pa la comercialización de productos de mayor calidá y l’accesu a mercaos nuevos. D’esta miente, ayuden a la creación de redes locales de recoyida, recepción, almacenamientu o clasificación, de la que contribuyen al afitamientu de sistemes de calidá y seguridá alimentaria.
Nel casu de les industries forestales, les ayudes busquen fortalecer el potencial del sector cola mira d’aumentar la capacidá económica de los montes al traviés de la mecanización de procesos.
Na convocatoria del 2021 concediéronse ayudes a 84 proyectos, de los que 36 correspondíen a iniciatives de les industries agroalimentaries y 48 a les forestales.
Alrededor de las 11:24 horas de esta mañana, un vehículo que circulaba por la Calle…
La Asociación Stop Abolición ha interpuesto un recurso contencioso-administrativo contra el Ayuntamiento de Lena, en…
El consejero de Movilidad, Medio Ambiente y Gestión de Emergencias, Alejandro Calvo, ha concluido este…
La Plataforma Ciudadana “Peaje Huerna No!”, junto a colectivos de transportistas asturianos, ha convocado una…
El Polideportivo Jesús Suárez Valgrande volvió a convertirse el pasado domingo 12 de octubre, coincidiendo…
El Teatro Vital Aza de La Pola volverá a vestirse de gala para acoger la…