El festival Nel Amaro de Teatru Profesional en llingua asturiana entama mañana n’Uviéu cola obra Grana de cardamomu

El Festival Nel Amaro de Teatru Profesional en llingua asturiana va empezar mañana, día 1 d’ochobre, cola representación nel Teatru Filarmónica de Grana de cardamomu, d’El Callejón del Gato, la primera de les obres finalistes qu’opten al premiu del mesmu nome, escoyíes pol xuráu nuna primer fase celebrada nel mes de xunetu. 

El xuráu, integráu por especialistes en teatru y llingua asturiana y presidíu pol director xeneral de Política Llingüística, Antón García, seleccionó nel so primer conceyu estos trabayos pa la so representación nel festival: 

• Grana de cardamomu, d’El Callejón del Gato (1 d’ochobre)
• La reina de la guapura de Leenane, de Nun Tris Producciones (8 d’ochobre)
• Les piripiripirates con parches y a lo xole, de Factoría Norte (15 d’ochobre)
• Setiembre, d’Arte Producciones (22 d’octubre)

Les representaciones, qu’entamen a les 20:00 hores, van tener entrada llibre y gratuita hasta completar aforu.

El Premiu de Teatru Profesional Nel Amaro, dotáu con 6.000 euros, convócase col fin de consolidar, arriquecer y prestixar la llingua asturiana y el gallego-asturianu nel ámbitu del arte dramáticu. La pasada edición del gallardón tuvo como ganador al espéctaculu El viaxe de Covaletti, de la compañía Higiénico Papel. 

Tanto’l premiu y como’l festival lleven el nome del autor turonés Nel Amaro (1946-2011),  una referencia fundamental na vanguardia teatral n’asturianu y ’autor al que se dedicó la edición de la Selmana de Lletres Asturianes en 2021. 

Fonte: Nota de prensa del Gobiernu d’Asturies