Asturies

Asturies diseña un calendariu de menúes saludables pa los centros de menores, onde viven 373 neños

  • L’Institutu pa l’Atención Integral a la Infancia y les Families  cunta anguaño con un presupuestu d’aproximao 50 millones, un 19,21 % más que nel 2021“
  • Una alimentación equilibrada ye un indicador más de la calidá asistencial”, asegura la conseyera Melania Álvarez

El Gobiernu apuesta pola promoción de l’alimentación saludable en tolos centros de menores, onde viven 373 neños. La conseyera de Derechos Sociales y Bienestar, Melania Álvarez, presentó güei nel centru polivalente de La Baragaña, en Candás, la guía nutricional ¡Que aproveche!, que recueye’l calendariu de menúes que van sirvise nos equipamientos y que fomenta’l consumu de productos locales y de temporada,  de la qu’amenorga azucres, grases, bollería industrial y productos procesaos.
 
L’Institutu Asturianu pa l’Atención Integral a la Infancia y a les Families, qu’anguaño cunta con un presupuestu próximu a los 50 millones, un 19,21 % más que nel 2021, foi la entidá encargada de diseñar la guía.
 
Los menúes de los centros plantegáronse en llinia cola estratexa NAOS (Nutrición, Actividá Física y Prevención de la Obesidá) de la Organización Mundial de la Salú (OMS), que tien por meta invertir la tendencia na prevalencia de la obesidá mediante l’alimentación saludable y el fomentu del deporte.
 
La guía iguóse col asesoramientu de nutricionistes y en collaboración colos profesionales de cocina de los distintos centros. Nel recetariu anováu poténciase’l consumu de verdura, hortolices y frutes; evítense los precocinaos, reduzse’l sal y amenórguense los azucres. Amás, óptase polos productos integrales en sustitución de les farines refinaes, y l’aceite d’oliva va utilizase como referencia pa cocinar.
 
Raciones afayadices
 
La guía tamién garantiza que les raciones que se sirven nos distintos centros tán adatpaes a les necesidaes de cada grupu d’edá.
 
“Una alimentación equilibrada ye un indicador más de la calidá asistencial. Sabemos que los vezos que garramos de pequeños son fundamentales pal restu de les nuestres vides y, ensin dulda, tener una dieta sana y variada ye una garantía de salú. Esta guía ye l’amuesa de qu’esti gobiernu esmolezse non solo pol acoyimientu de los menores que lo precisen, sinón por procura-yos les meyores condiciones”, esplicó la conseyera Melania Álvarez.
 
Los menúes van afaese tamién a les peculiaridaes de cada menor en casu de que tenga dalguna alerxa o intolerancia. Toos tán compuestos por primer platu, segundu y postre, tanto na comida como na cena, y van incluyir diariamente alimentos d’estos grupos:

  • ​​​​Verdures y hortolices.
  • Arroz, pasta, llegumes y pataques.
  • Carne, pexes y güevos.
  • Fruta.

Nos almuerzos y nes meriendes apúestase por lácteos enteros ensin azucre, frutes fresques, pan, cereaes ensin azucre y frutos secos, evitando siempre les bolleríes industriales y llimitando la repostería casera a ocasiones especiales. Otra de les novedaes ye que les tradicionales meriendes de cumpleaños proponen alternatives saludables y atractives, como les brochetes de frutes bañaes en chocolate negro, tortiella de pataca o xelatines.​​​

Redacción

Entradas recientes

La Cicloturista La Cubilla regresará el 29 de mayo de 2027

La prueba celebrará su octava edición con las inscripciones ya abiertas y una promoción conjunta…

15 horas hace

Lena organiza transporte de ida y vuelta para acudir a la manifestación del 25N en Gijón

El Ayuntamiento de Lena ha abierto las inscripciones para participar en el autobús organizado con…

17 horas hace

El Lenense Proinastur releva a Borja Blanco «Tury» como entrenador del primer equipo

La Sociedad Deportiva Lenense Proinastur ha comunicado el relevo de Borja Blanco Vega «Tury» al…

17 horas hace

Marta Piquero podría dar nombre a una calle, plaza o instalación de Lena: IU llevará al próximo Pleno una revisión del reglamento de honores

Convocatoria por Lena Izquierda Unida-Más País-IAS llevará al Pleno municipal una moción para actualizar el…

1 día hace

Lucía González y Alicia García suben a lo más alto del podio en un intenso fin de semana para el Gimnasia Lena

El Club Gimnasia Lena completó el pasado fin de semana dos nuevas citas competitivas en…

2 días hace

«Divina Comedia», la propuesta de Javier Bergia que llegará al Vital Aza

El Teatro Vital Aza de La Pola acogerá el próximo domingo 29 de noviembre, a…

2 días hace