En 2021 produciéronse 16 accidentes mortales nes carreteres asturianes nos que finaron 17 persones y otres 102 resultaron mancaes graves. Estes cifres representen cuatro finaos menos (-19%) qu’en 2019 (añu de referencia) y el segundu meyor añu de la serie histórica, solo por detrás de 2020, añu nel que finaron 13 persones, pero que se trata d’una estadística aburuyada pola pandemia.
La cifra de 102 mancaos graves resultáu d’un accidente vial tamién s’amenorgó en 13 persones, un 11% menos a la rexistrada en 2019 (115).
Polo que se refier a les víes urbanes, nueve persones perdieron la vida n’otros tantos accidentes: cinco muyeres y cuatro homes. Atendiendo a la edá, el 55% (cinco) yeren mayores de 75 años, siendo’l tipu d’accidente mayoritariu l’atropellu a peatón con siete finaos (78%).
MOVILIDÁ, PARQUE Y CENSU DE CONDUCTORES
No qu’a movilidá se refier, a nivel nacional durante 2021 rexistráronse 393,7 millones de movimientos de llargu percorríu per carretera, lo que supon un 8% menos que los realizaos en 2019 (427,1 millones) y un 23% más al respective de 2020.
Esti descensu na movilidá producese en vehículos llixeros (-10%) y principalmente en fines de selmana con un (-15%). Sicasí, el tráficu de vehículos pesaos foi cimeru (+3%) al rexistráu en 2019.
El parque de vehículos incrementarase nun 2% al respective de 2019, llegando a los 33,2 millones de vehículos y el censu de conductores caltúvose igual qu’en 2019, con 27,3 millones de conductores.
La autopista del Huerna/Güerna recupera la normalidad tras una colisión múltiple en la que se…
Se acabó. La mala racha de un Lenense Proinastur se rompió esta mañana tras ocho…
Palaciós celebraba este martes y miércoles sus Fiestas de San José Obrero. La programación arrancaba…
La asociación Aspale – Asociación de Patchwork de Lena organiza este viernes y sábado, 3…
Las localidades lenenses de Palaciós y Zurea celebran fiestas esta semana. Hoy y mañana en…
El Teatro Vital Aza pondrá escenario al acto de presentación del libro "Asturias concejo a…