El Principáu constituye les meses sectoriales de la carne y la lleche pa sofitar el sector ganaderu y ameyorar la so cadena de valor

• La midida busca facilitar unes rellaciones comerciales más xustes, equilibraes y tresparentes .
• Estos órganos cunten con representación de l’Alministración y de tolos sectores implicaos: sindicatos agrarios, cooperatives, industria, distribución, marques de calidá y centros tecnolóxicos .

La Conseyería de Mediu Rural y Cohesión Territorial constituyó güei les meses sectoriales de la carne y de la lleche pa sofitar el sector ganaderu y ameyorar la so cadena de valor. La iniciativa va dexar avanzar nel desenvolvimientu de la llei estatal pa optimizar el funcionamientu de la cadena alimentaria, nel marcu de les competencies autonómiques.

Dambos órganos van encargase del siguimientu permanente de la cadena alimentaria, un aspectu onde va tener una función importante l’observatoriu de precios de la comunidá. Tamién van trabayar pa difundir bones práctiques, que se van reflexar nun códigu enfocáu al consumidor.

Les meses tán integraes por personal de l’Alministración y otros doce miembros en representación de tolos sectores implicaos: ún por caún de los sindicatos agrarios Asaja, Coag y UCA; dos de cooperatives, ún pol sector de la tresformación, otru pol de la producción; ún poles marques de calidá (Indicación Xeográfica Protexida Xata Asturiana na mesa de la carne y Denominación d’Orixe Protexida Cabrales na de la lleche) y otru polos centros tecnolóxicos (Asincar pa la mesa de la carne y LILA pa la de la lleche). La Federación Asturiana d’Empresarios (Fade) escueye a cuatro miembros: dos del sector de la distribución y dos de la industria.

El conseyeru de Mediu Rural y Cohesión Territorial, Alejandro Calvo, esplicó que, al traviés d’estos instrumentos de coordinación, y en llinia col Ministeriu d’Agricultura, Pesca y Alimentación, va llevar a cabu un trabayu multidisciplinar. ‘Queremos sensibilizar y promocionar los nuestros sectores productor, tresformador y industrial agroalimentariu, pa llograr unes rellaciones comerciales más xustes, equilibraes y tresparentes, nel marcu de les nuestres