La Conseyería de Cultura, Política Llingüística y Turismu destina 300.000 euros a les ayudes para la restauración d’horros y paneres, colo que dobla la cuantía al respective de 2021, añu nel que la Dirección Xeneral de Patrimoniu dedicó a esti fin 150.000 euros.
La convocatoria ta dirixida a particulares ya instituciones ensin ánimu d’arriquecimientu aniciaos n’Asturies que quieran realizar obres de caltenimientu, restauración o rehabilitación d’horros, paneres y cabazos.
Los elementos etnográficos qu’aspiren a les ayudes tendrán de tar incluyíos nos catálogos urbanísticos municipales. Nos conceyos que nun cunten con ellos, van poder optar a la subvención los elementos anteriores a 1940 que constituyan amueses notables pola so talla, decoración o por formar conxuntos. La cuantía máxima de l’ayuda va ser de 7.500 euros, y nun se van subvencionar actuaciones que devasen el 75% del presupuestu.
Los gastos subvencionables van ser para obres realizaes dende’l 1 de payares de 2021 hasta’l 31 d’ochobre de 2022 sufragaes con anterioridá al periodu de xustificación. El plazu de presentación de solicitúes ye de 20 díes naturales a partir de güei, fecha en que se publicó l’estractu de la convocatoria nel Boletín Oficial del Principáu (BOPA), que puede consultase nel siguiente enllaz: https://cutt.ly/PIYqTJp
La Conseyería de Cultura foi amontando progresivamente les ayudes para la restauración d’horros y paneres nos últimos años. Asina, de los 100.000 euros destinaos en 2018 y los 125.000 de 2019, pasara a 150.000 el pasáu añu, una cifra que se dobla na nueva convocatoria.
Este sábado 4 de mayo llega a La Pola el ‘Tributo al Rey León’ (De…
Vuelta Ciclista Montaña Central 2024
Continúan celebrándose las olimpiadas de estudiantes sobre diferentes materias, en la matemática, que cumple nada…
La autopista del Huerna/Güerna recupera la normalidad tras una colisión múltiple en la que se…
Se acabó. La mala racha de un Lenense Proinastur se rompió esta mañana tras ocho…
Palaciós celebraba este martes y miércoles sus Fiestas de San José Obrero. La programación arrancaba…