Alejandro Fernández-Osorio presenta n’Uviéu «Tayu», poemariu ganador del Premiu Acebal 2020

Na imaxe superior, actu de presentación va unos meses na Pola.

El xueves 24 de febreru, a les 19:00, la Biblioteca d’Asturies «Ramón de Ayala» vuelve a acoyer un actu del ciclu Uviéu Abierto, entamáu pola Dirección Xeneral de Política Llingüística. Trátase nesti casu de la presentación del poemariu Tayu, del ḷḷenizu Alejandro Fernández-Osorio, obra ganadora del XXVI Premiu Xuan María Acebal de Poesía, publicáu por Ediciones Trabe. 

El xuráu d’esti premiu decidió distinguir esta obra destacando nel acta «cómo la voz del nietu revisita les vivencies de la mina con una visión social y política, pero al empar íntima y novedosa, de quien se siente heriede d’una tradición que pesa nel entornu familiar, pero qu’en realidá yá nun existe pa quien escribe dende otra esperiencia, la de la emigración».

L’autor quixo proponer esta presentación como un monólogu y recital onde va xubir al escenariu en solitario, con un planteamientu innovador dafechu que sal de la dinámica clásica de les presentaciones. 

Deja una respuesta

Tu dirección de correo electrónico no será publicada.

9 − 2 =